Libro di cucina/Libro per cuoco)
MORTAROLO PER XII PERSONE: Se tu voy fare mortarolo di batuto per XII persone, toy VI polastri e iij casi freschi e passi, e toli xviij ova e meza libra de mandole, e 1 datali, e mezza onza de zenzero intrigo, e mezo quarto de garofani e tre onze di pignoli mondi, e fafare meza libra de specie dolze fine e toy la panza del porcho e fala lesare e ben cosere e toy lo caso che tu ay e una parte de le specie e quantità de petrosemolo, e menta e salvia, e de queste cosse fay un bon batuto; quando el batuto è fatto, fay dela mità tortelli e ravioli e frizeli in lardo frescho e destruto e quando sono sofrite polveriza de le specie e toy li polastri e smembrali e sofrizili in la padella e mitige delle ditte specie asay, e quando sono sufriti uno bono pezo, toy le mandole monde e intriege e mitilli suzo a frizere e miti suso uno mizolo de aqua tanto che se coxano ben a compimento e toy i dataly e trane fuoray nocelli, overo li ossi dentro, lavali ben e festugali ben de zenzero tagliato e cenamo e garofani si che li datali siano fini. Toy lo batuto e li polastri che tu ay e ravioli e li tortelli e datari e pignoli mondi e uva passa ben lavate e habii uno testo, e miti una crosta bona sotto e un'altra in mezo, e tutte queste che sono ditte miti dentro a solo in el mortarolo e poni crosta de sopra e onzelo e rivestilo de bono lardo struto e pocho e be colato e fay coxere con pocho focho e de sovra con testo caldo che sia pocho affogato. Questa vivanda volle essere zalla e potente de specie; a fare per più persone o per men toy le cosse a questa medesima rasone etc.
Click on the image, above to submit to Pinterest.